ከልጅነት ሕይወቴ — ዛሬ ድረስ

ዶ/ር ሀብታሙ አለሙ ሸዋ ተወልዶ ያደገው ድሬዳዋ አሸዋ ሰፈር ነው። አሁን ነዋሪነቱ ጎሮ ሰፈር ነው። ልጅ ሳለ ጓደኞቹ ያልገባቸውን ለማስረዳት ያልሄደበት ቤት እና ሰፈር አልነበረም። ይህ ትዝታ ዛሬም ልቡን ይሞላዋል። ሕዝቡን ማስተማርና ማገዝ ሁልጊዜ ደስታው ነው።

በህክምና ከተመረቀ በኋላ ወደ የሚወዳት ከተማ ድሬዳዋ ተመለሰ። ሳቢያን ሆስፒታል በጠቅላላ ሐኪምነት ሰርቶ፣ አሁን ድልጮራ ሆስፒታል ዶ/ር ሆኖ ሕዝቡን ያለ ምንም ልዩነት፣ በሰብዓዊ ፍቅርና ትጋት እያገለገለ ይገኛል። በዩኒቨርሲቲ ቆይታው ለተወለደበት ከተማ ለትምህርት ጥራት ማህበር አቋቁሞ፣ የተማሪዎች ተወካይ፣ አስተባባሪ ሆኖ አገልግሏል። ከዩኒቨርሲቲ አስተዳደር የምስጋና ሰርተፍኬት ተቀብሏል። በተጨማሪም በተለያዩ የበጎ አድራጎት ስራዎች ይሳተፋል፣ ያስተባብራል።